Халықаралық фестивальдерге қатысу Алматы қаласының Мемлекеттік қуыршақ театры үшін өте маңызды, себебі сол арқылы театрдың абыройы артып, ілгері даму мүмкіндіктері көбейе түседі.
Ағымдағы жылдың 7-13 маусымында театр ұжымы XV Халықаралық «Наурыз» түркі халықтарының театр фестиваліне «Мен бір жұмбақ адаммын... Абай» қойылымымен онлайн түрде қатысып, сыншылардың оң бағасына ие болды.
Ал енді театрды тағы бір қызық фестиваль күтіп тұр. Атап айтқанда, Маусымның 22-30 аралығында Санкт-Петербург қаласында өтетін «КУКART-XV» қуыршақ және синтетикалық театрлар фестивалі. Аталмыш фестивальге қуыршақ театры офлайн түрде режиссер Д.Жұмабаева қойған У.Шекпирдің «Ромео мен Джульетта» спектаклімен қатысады. Қойылым фестиваль бағдарламасына сәйкес 27 маусым күні сағат 16:00-те көрсетіледі.
Қазақ қуыршақ театры өнерінің өрлеуі мақсатында келешекте де халықаралық фестивальдерге қатысу Алматы қаласының Мемлекеттік қуыршақ театры жоспарында бар.
Сілтеме: https://exk.kz/news/97541/kazakhstanskiie-romieo-i-dzhulietta-iedut-v-sankt-pietierburgh