Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!

"Ана - Жер ана" қойылымы "ЭРГҮҮ" театр сыйлығын иеленді

27 Наурыз 2021

Қадірлі театр сүйер қауым!

Шыңғыс Айтматов повесі желісімен сахналанған режисеер Дина Жұмабаеваның «Ана – Жер ана» қойылымы жақында ғана «ЭРГҮҮ» қырғыз театр сыйлығын «Қырғыз авторының шығармасын ең үздік сахналаған шет елдік театр» номинациясы бойынша жеңіп алды. Аталмыш іс-шара «27 наурыз – Халықаралық театр күні» мерекесі қарсаңында онлайн форматта өткізілген болатын. Қырғыз Республикасының «ЭРГҮҮ» ұлттық премиясының негізі 2014 жылы Театр қайраткерлері одағының бастауымен және «Айтыш» фондының қолдауымен қаланған. Бұл премия Орта Азия өңіріндегі беделді театр сыйлықтарының бірі болып саналады.