Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!
Қар ханшайымы
Жанр: Ертегі
Автор: Ханс Кристиан Андерсен
Режиссер: Григорий Лайко
5+
Ғажайып сиқырға бөлейтін «Қар ханшайымы» қойылымы – белгілі жазушы Ханс Кристиан Андерсеннің таңғаларлық әрі тебірентерлік ертегілер әлеміне қуыршақтармен бірге саяхат жасауға таптырмас мүмкіндік беретін атмосфералы мереке! Бұл қойылымда көрермендерді қызықты шытырман оқиғалар мен тұңғиық таза сезімдер күтеді! Айрықша спектакльде сіздер марионетка, планшет, көлеңкелі және бойлы қуыршақтардың ерекше түрлерімен таныса аласыздар және дарынды артистердің шеберліктеріне куә боласыздар! Спектакльдегі ән мен би, шайқастар мен сиқырлар, жарқын да терең образдар сіздерді бей-жай қалдырмайды! Қойылым көрермендерге көтеріңкі көңіл-күймен қатар, қиял-ғажайып пен сиқырға толы ертегі әлемінің бөлшегіне айналып, махаббат пен адалдықтың, қайсарлық пен мейірімділіктің, ізгілік пен жақсылықтың құдіретін сезінуге мүмкіндік береді. Ең суық күндерде де бір-бірімізге жылу сыйлаудың маңызын жеткізеді.