Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!

«Ұлағатты ұрпақ» жобасы| артист Мақсат Камалов дәрісі | "Қасқыр мен жеті лақ"

26 Қазан 2021

Театрымыздың аяулы жанкүйерлері! Қуыршақ театрының артисті, Мәдениет саласының үздігі Мақсат Камаловтың «Ұлағатты ұрпақ» онлайн мәдени-білім беру жобасы аясында «Қасқыр мен жеті лақ» қойылымы туралы берген қазақ тіліндегі дәрісін назарларыңызға ұсынамыз!

 

«Ұлағатты ұрпақ» – мектеп жасындағы балаларға онлайн форматта мәдени білім беруге бағытталған жоба. 2020 жылдың қазан айында іске қосылған. ҚР Мәдениет және Спорт министрлігі бастамасы бойынша жүзеге асырылған. Жоба аясында бейнелеу өнері, театр, музыка, кино саларымен қатар Қазақстанның киелі жерлері, еліміздің атақты тұлғалары, этикет мәселесі жөнінде қазақ және орыс тілдерінде дәрістер беріледі. Олардың ұзақтығы 10-15 минут аралығында. Әрқайсысы мектеп оқушыларының сынып деңгейіне негізделіп түсірілген. Яғни бірінші сыныптағыларға, екінші сыныптағыларға, солай-солай он бірінші сыныптағыларға дейін.

Дәл осы жобаға Мемлекеттік Қуыршақ театрының артисттері қатысып, лектор ретінде дәріс бейнебаяндарын дайындаған еді. Сондай бейнебаяндардың бірі – театрымыздың артисті, Мәдениет саласының үздігі Мақсат Камаловтың бірінші сынып оқушыларына «Қасқыр мен жеті лақ» қойылымы жөнінде қазақ тілінде қызықты әрі түсінікті етіп берген дәрісі. Бейнебаян көңілдеріңізден шығады деп үміттенеміз!