Ағымдағы жылдың қыркүйек айының 24-30 аралығында РЕСЕЙ Федерациясы, ОМСК қаласында өткен "В гостях у Арлекина" Халықаралық театр фестивалінен театр ұжымы абыроймен оралды. Әлемнің 10 мемлекетінен 18 театр ұжымы қатысқан айтулы додада кәсіби шетелдік сарапшылар тарапынан жоғары бағаға ие болып, ресейлік көрермендердің зор ықыласына бөленді. "Ана жүрегі" (реж.:А.Зайцев) қойылымымен театр мамандарын таңдандырған әріптестерімізді кезекті шығармашылық белестерімен құттықтаймыз!
Естеріңізге сала кетейік, театр ұжымы қазан айында Түркия мемлекеті, АНКАРА қаласында өтетін Халықаралық театр фестивалінде бақ сынайтын болады. Өнер бәсекесі мен тәжірбиесінде кәсіби шеберліктерін жан-жақты шыңдап келе жатқан ҚУЫРШАҚ театры көрермендерін қуантуға дайын! Бізбен бірге болыңыздар!