«Ұр тоқпақ» – халық ауыз әдебиетіндегі кең тараған ертегілердің бірі.
Қазақ халық ертегілері — ауыз әдебиетінің ертеден келе жатқан көлемді саласының бірі болып табылады.
Бала тәрбиесінде ертегінің атқарар рөлі зор. Оны ертеден - ақ тәрбие құралы ретінде қазақ халқы ғана емес, барлық ұлт, бүкіл ел қолданып келеді.
Осы ретте, үйде балама ертегіні тек өзім оқып бріп қана қоймай, сонымен қатар, балада визуалды ойлау қалыптасу үшін әрі тәрбиелік мәні зор болу мақсатында Мемлекеттік қуыршақ театрындағы "Ұр, тоқпақ" ертегісінің желісімен қойылған спектакльге апарған болатынмын. Балама қатты ұнады. Себебі, актерлер өз рөлдерін сондай шынайы ойнайтыны соншалық, бала тұрмақ үлкендер де қызығып көретіндей.
Қойылымның инсценировка авторы – ақын Қасымхан Бегманов. Спектакльдің суретшісі – Алтынай Жүсіпәлі. Қойылымды музыкамен көркемдегендер – Бақберген Байшығаш пен Аршын Жолдасхан. Туындыны режиссер Еркебұлан Қабдыл сахналаған.
P.S. Қуыршақ театрының плакатында әлемнің әртүрлі авторларының танымал туындыларының классикалық және қазіргі заманғы түсіндірмелері бар. Сіз қуыршақ сахналық өнерінің отандық және шетелдік шеберлерінің жұмыстарын тамашалай аласыз.
Назира Брханова
"Yvision" блогы
Сілтеме: https://yvision.kz/post/986323