Түркияның «Темпо» қуыршақ театрының «Цветной мир белого карандаша» спектаклі
Жанры: Балаларға арналған қуыршақ қойылымы
Жас ерекшелігі: 3–9 жас
Тілі: Түрік және орыс тілдерінде
Өтетін орны: Мемлекеттік қуыршақ театры, үлкен зал
Өтетін күні мен уақыты: 24 қазан 2023 жыл, 11:15
Байқаудан тыс
Спектакльдің шығармашылық құрамы
Режиссері: Haluk Yuce (Халюк Юдже).
Автор — Ahmet Önel (Ахмет Өнел).
Сахнаға бейімдеген, режиссурасы, қуыршақтар мен сахна дизайны — Haluk Yüce (Халюк Юдже).
Композитор — Nedim Yıldız (Недим Йылдыз).
Орындаушылар — Marina Yüce және Haluk Yüce.
Спектакль туралы
Спектакль басталар алдында актерлер күтпеген қиындыққа тап болады: оқиғаның шешілмеген тұсын жөндеуге тиіс жазушы Ахмет келмей қалады. Көрерменді күттірмеуге тырысқан орындаушылар автордың өзін қуыршақ бейнесінде жасап, ойынға қосады. Жазушының түсіндегі оқиға тығырықтан шығатын жолды көрсетеді. Осылайша Ақ қарындаш пен Ұштағыштың қызықты хикаясы басталады.
Қойылым театрдың қалай жасалатынын ойынға айналдырып, қиял мен тапқырлықтың мүмкіндігін көрсетеді. Қуыршақ пен актердің бір сахнада әрекет етуі балаларға заттың да кейіпкерге айнала алатынын сезіндіреді. Ақ қарындаштың әлемі арқылы шығармашылық ойлауға, өзіңнің ерекшелігіңді бағалауға және бірге шешім табуға жетелейді.
Театр туралы
Анкарадағы Tiyatro Tempo театрын 1984 жылы қуыршақ шебері әрі режиссер Халюк Юдже құрған. Ұжым балаларға, жасөспірімдерге және ересектерге арналған қойылымдармен жұмыс істейді. Театр дәстүрлі «Қарагөз» көлеңке өнерін заманауи қуыршақ техникасымен қатар дамытады. Оның шығармашылық қызметіне спектакльдер қою, қуыршақ жасау және халықаралық театрлық байланыстар орнату кіреді. Алматы фестиваліндегі қойылымы байқаудан тыс көрсетілді.