Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!

Сағыныш шөбі

Жанр: Драма
Автор: Рахымжан Отарбаев
Режиссер: Рүстем Жаныаманов
+14

Қойылым Дешті-Қыпшақ ұланы, он жасында жетім қалып, құлдыққа өзге елге сатылып кеткен қатардағы құлдан Мысыр елінің билеушісі дəрежесіне дейін көтерілген тағдыры өте күрделі Сұлтан аз-Захир Бейбарыстың өмірбаянын суреттейді. Қаншалықты биік даңқ пен зор билікке ие болса да, Бейбарыс бабамыздың жүрегін мəңгілік сағыныш сыздатып өтеді. Туған еліне, даласына, жусанның иісіне деген сағыныш - спектакльдің негізгі лейтмотиві. "Өзге елде сұлтан болғанша, өз еліңде ұлтан бол" дегенді халық босқа айтпаса керек.